Wednesday, October 31, 2012

கிழங்கான் மீன் குழம்பு & ஃப்ரை /Lady Fish Curry /Fry



குழம்பிற்கு தேவையான பொருட்கள்:
கிழங்கான் மீன் - 8- 10 மீன்
எண்ணெய் - 3 டேபிள்ஸ்பூன்
கடுகு ,வெந்தயம்,சோம்பு - தலா அரைடீஸ்பூன்
பூண்டு பல் - 6
 பெரிய வெங்காயம் - 1
தக்காளி  பெரியது - 1
பச்சை மிளகாய் - 2
புளி - சிறிய எலுமிச்சை அளவு
தேங்காய் - 3 டேபிள்ஸ்பூன்
மிளகாய்த்தூள்  -ஒன்னரை டீஸ்பூன்
மல்லித்தூள் - 2 டீஸ்பூன்
மஞ்சள் தூள்,சீரகத்தூள்,மிளகுத்தூள் - தலா கால் டீஸ்பூன்
மல்லி கருவேப்பிலை சிறிது
உப்பு - தேவைக்கு.


மீனை செதில் நீக்கி ,வயிற்றில் உள்ள கழிவை எடுத்து தலையை கழித்து சுத்தமாக நன்கு கழுவி தண்ணீர் வடித்து வைக்கவும்.

கடாயில் ஒரு டேபிள்ஸ்பூன் எண்ணெய் ,பாதி வெங்காயம்,பாதி தக்காளி,தேங்காய் துருவல்,மற்ற எல்லா மசால் தூள் வகைகளைச் சேர்த்து சிவற மீடியம் நெருப்பில் வைத்து வறுத்து எடுத்து ஆற வைத்து அரைத்து எடுக்கவும். புளி கரைத்து அரைத்த மசால் உப்பு சேர்த்து கலந்து வைக்கவும்.

கடாயில் 2 டேபிள்ஸ்பூன் எண்ணெய் விட்டு கடுகு,வெந்தயம்,சோம்பு போட்டு வெடிக்கவும்,கருவேப்பிலை, பூண்டு சேர்த்து வதக்கவும்.நறுக்கிய பாதி வெங்காயம், தக்காளி ,பச்சைமிளகாய், சிறிது உப்பு சேர்க்கவும்.நன்கு வதக்கவும்.
அரைத்து புளித்தண்ணீரோடு கலந்து வைத்த மசாலை சேர்க்கவும்.உப்பு சரி பார்த்து குழம்பு தேவைக்கு தண்ணீர் ஒரு கப் சேர்த்து நன்கு கொதிக்க விடவும். வற்றி இப்படி வரும்.நறுக்கிய ,மல்லித்தழை சிறிது சேர்க்கவும்.குழம்பு நன்றாக கொதிப்பதில் தான் ருசியே இருக்கிறது.

குழம்பு,  புளி தேங்காய் மசாலா வாடை மடங்கியதும் சுத்தம் செய்த மீனை சேர்க்கவும்.கலந்து விட்டு மீடியம் நெருப்பில் பத்து நிமிடம் அகப்பை போடாமல் மீனை வேக விடவும்.
மீன் வெந்து எண்ணெய் மேலெழும்பி வரும்.அடுப்பை அணைக்கவும்.


சுவையான கிழங்கான் மீன் குழம்பு ரெடி.
ப்லைன் ரைஸ், ஆப்பம்,சப்பாத்தி இட்லி,தோசையுடன் பரிமாறலாம்.

கிழங்கான் மீன் ஃப்ரை :
மீன் - 8-10
மிளகாய்த்தூள் - 1 டீஸ்பூன்
சீரகத்தூள் - கால்- அரைடீஸ்பூன்
இஞ்சி பூண்டு பேஸ்ட் - அரை டீஸ்பூன்
எலுமிச்சை சாறு - 2 டீஸ்பூன்
கார்ன் ஃப்லோர் - 2 டீஸ்பூன்
ரெட் கலர்- பின்ச்(விரும்பினால்)
உப்பு, எண்ணெய் - தேவைக்கு.

மீனுடன் எண்ணெய் தவிர அனைத்து பொருட்களையும் கலந்து அரை-  ஒருமணி நேரம் ஊறவைக்கவும்.
எண்ணெய் காய வைத்து,மீனை  முறுக பொரித்து எடுக்கவும்.

சுவையான கிழங்கான் மீன் ஃப்ரை ரெடி .
சீரகப் பொடி அரைடீஸ்பூன் சேர்த்தால் மீன் ஃப்ரை சீரக மணத்துடன் இருக்கும்.
ஒவ்வொரு முறையும் மீன் குழம்பு,ஃப்ரை செய்யும் பொழுது சிறிய மாற்றத்துடன் செய்து பார்ப்பேன்.இதுவும் ஒரு முறை..

6 comments:

S.Menaga said...

கிழங்கா மீன் கிடைத்தால் ச்மைப்பதுண்டு,ரொம்ப பிடிக்கும்...குழம்பும்,வறுவலும் அருமை..மாமியார் வீட்டில் கூட மீனை எண்ணெயில் பொரிப்பாங்க,எனக்கு பயமா இருக்கும் கலோரியௌ நினைத்து...அம்மா வீட்டில் தோசை கல்லில் வறுப்போம் எண்ணெய் குறைவாக....

ராதா ராணி said...

மீன் குழம்பு & ஃ ப்ரை ரொம்ப நல்லா இருக்கு ஆசியா.. அதிலும் குழம்பு எண்ணெய் மிதக்க சாப்பிடும் ஆசையை தூண்டுது..:p

சிநேகிதி said...

வாவ்.. மீன் குழம்பு,, மீன் ஃப்ரை நாவீல் நீர் ஊற வைக்கிறது.. சூப்பர் அக்கா

Priya said...

Romba pidicha meen ithu, kuzhambum,varuvalum super o super.

திண்டுக்கல் தனபாலன் said...

படங்கள் பசியைத் தூண்டுகின்றன...

சூப்பர் குறிப்பிற்கு நன்றி...

Saraswathi Tharagaram said...

Awesome Combination...Sure this is a virtual treat for fish lovers..Thanks for the tip and will try it next time..
Dish in 30 minutes event with Giveaway ~ sweets